醫生動物園

Home 醫生動物園

義工醫生團隊橫跨20個專科,其中駐場既包括:

恐龍醫生

恐龍醫生其實係一位急症專科醫生,有長達7年專科訓練。
咪睇佢咁可愛,佢對唔聽話病人都好嚴厲架

研究醫學之外,仲好喜歡探討心理學。為人風趣,又有人情味~
應付忙碌工作之餘都幫大家解答疑難,唔怪得叫「恐龍」醫生啦,真係絕晒種咯~~

長頸鹿醫生

外型又高又瘦(仲英俊不凡 )長頸鹿醫生樂於助人,
擅長以簡單比喻解釋病情...即係鐘意搞下爛gag呀~

有別於一般醫生醫,佢靠住一份熱誠同急才為病人解決問題。
即使日日響急症室衝鋒陷陣,搞到頸緊膊痛,都無阻佢熱衷解答疑難~

史納莎醫生

叫得史納莎必然係跳跳紮紮啦,史納莎醫生熱愛運動,最鐘意跑步健身。

同屬急症專科,縱使工作再忙都會安排運動時間~
因為佢話:保持身心健康,就能預防勝於治療(chok住咁講)

水豚牙醫

水豚牙醫十九幾年前諗住繼承父業入行讀牙醫,
點知做左先知打工開心D,依家響私家醫院做,
一有大假就去旅行,同水豚一樣最鐘意浸溫泉同訓覺。

五阿哥醫生

五阿哥,威風凜凜急症室醫生~
每次見到五阿哥都有份唏噓感。
是咁的,佢曾遇過人生低潮,好彩有朋友支持,令佢重新出發!

所以佢好鐘意廣結良朋架,好希望自己專業知識可以幫到更多朋友。

麻瓜中醫師

尊稱:麻瓜中醫師
年齡:總之就係芳齡
背景:生於麻瓜家庭,但絕不比中醫世家遜色。
簡介:我好鐘意笑,人人都話我係大笑姑婆,但我好細心架。
覺得中醫好,西醫好,幫到病人就係好。
所以我都有時中西醫合璧,嘗試兩個角度解答病人問題~

物理治療Ironman

投身物理治療工作多年,熟悉骨傷痛症神經系統及運動創傷等治療,
亦具有不少社區復康及產品開發經驗。

如果身上只有一個鎚,所有問題都會像釘子。物理治療師就像Ironman一樣,
周身有各式各樣裝備,可以因應不同病情,對症下藥。

大灰熊醫生

別名: 大灰熊
生於: 熊出沒的地方

工作環境十分血腥和兇險!每天的工作都要與人搏命!
當然係搏其他人條命啦~

間中會識演forever friend的啤啤熊,
把Winnie the Pooh的小熊帶到世上,和他們去森林找蜜糖吃~

獅子醫生

表面上係萬獸之王,其實好有獅子山精神,勁勤力、
勁有耐性咁解答動物們耳仔、鼻同喉嚨問題。

不過返到屋企,又會變到荒失失奇兵獅子阿力咁,
鍾意跳返 part 舞,哄家中兩隻獅子囝囝開心。

馬來貘醫生

別名:貘探員
生於:黑夜與白晝之間

工作主要是聆聽動物們的心事,搵出佢地既心結,協助佢地安穩情緒。
間中會在草地散步,也喜歡居住在水邊,享受寧靜的樂趣。

波斯貓醫生

內外兼備既波斯貓醫生,最叻幫大家解答皮膚問題,
鐘意同大家分享又簡單又實用既護膚奧秘

地鼠醫生

名稱:地鼠醫生
別名:阿鼠

無論醫院定係檢查中心:你以為佢係我,原來佢唔係我;
當你見到我,你又唔知係我。

係黑漆漆,錯綜複雜,四通八達,狹窄無比地下通道生活。
無聲無息,地底下面默默支援地面上偉大救急扶危工程。

雖然我地唔多見面,有緣無份,但係你地所有心肝脾肺腎......
都俾我睇晒,哼哼!

小鹿醫師

出身於中醫世家,曾任職公營醫院,主理內科及針灸。
積極推廣身心靈健康、結合中西醫學治療情緒、婦科、腫瘤疾病。
鹿在古代被視作可以帶給人們吉祥幸福和長壽。
小鹿醫師希望病人在疾病中能感受到多些愛,
多點力量和勇氣,身苦心不苦~

里安納度中醫師

因為一次針灸,針出感情~決心成為中醫師,用「針」醫世人。佢用針多過用筷子,病人對佢真係又愛又恨。

兔子中醫師

雖然我跑得唔夠長頸鹿快 (叻喇..知你腳長啦),但講到幫助病人,無論係婦科,皮膚科,內科定各類痛症,我都可以用中藥同針灸幫到大家! 我希望一直累積嘅專業知識同臨床經驗,加埋中西醫結合嘅方式,可以加快各位人類治癒嘅過程! 

貓頭鷹醫生

別名:貓頭鷹
生於: 樹枝上

年幼已知自己眼力過人
於是長大之後就靠住過人嘅眼力,
去檢查其他人嘅眼睛~
得閒個陣就會帶住兩隻小貓頭鷹周圍飛~
又會飛到其他國家去幫人做眼睛有關的慈善工作:)

error: