腦中風=麵包工廠爆炸?

Home 目“鹿”腦中風=麵包工廠爆炸?
14-03-2018 腦中風=麵包工廠爆炸?

腦中風=麵包工廠爆炸?

Comments off

#又一長頸鹿醫生LOGIC #麵包工廠爆炸要小心

 

#WA0398

 

問題:我想請教醫生長者輕微中風應如何照顧?

我爸剛入院,詳細檢查中。

 

一直食開圖中嘅藥。年輕時心痛,醫生開食到而家,每日一粒

除這個沒其他,剛才醫生話建議自費照MRI。都係開些薄血藥,話阻止唔到再中風。

 

現爸情況都係左邊手腳比較無力,嘴有點歪,易流口水,有少許口齒不清,但思路沒問題。我想了解是否一中風就做成永久損害了?

 

http://www.brainandspine.com.hk/health-check/brain-survey

我想確認下文章中的真確性,不過無錢入私家,都過晒黃金8小時。

 

【醫生答】:

文章資料係真確的,當然執行上好困難。

下一步大眾要明白到,醫療其實係一樣好好好好好貴嘅嘢嚟,遲下再講。 講番中風,個損害就係永久性嘅,不過功能上可以透過復康治療慢慢攞翻。至於攞得翻幾多,就個個人唔同。

 

有啲人可以百分百恢復番晒嘅;有啲人由於腦神經損傷太勁,train唔翻。希望你屋企人早日康復啦

 

中風嘅復康唔難理解,你當自己個腦係一間麵包工廠,有好多唔同員工;有搓麵粉嘅、有清潔嘅、有負責包裝嘅等等。一中風嗰下,好似有個麵包爐爆炸,炸死咗一大班人,有啲機器爛埋。

 

呢個損傷係永久嘅,啲員工死咗就死咗架啦。好彩嘅話,個爆炸唔係好勁,可以淨係炸死咗搓麵粉嘅員工,咁我咪叫掃地嗰個員工學下搓麵粉囉(rehab、復康治療,例如物理治療)。

 

個員工學到嘅話,搓麵粉部咪重開運作囉。但係若果開頭個爆炸太勁,全部員工都炸死晒,咁咪復康唔到囉。又或者爆炸嘅位置太重要,例如係員工宿舍,嗰晚原來個個員工都喺嗰度嘅。

 

一爆炸,死剩工廠門口個看更,你點train個看更佢都唔識整麵包嘅,工廠咪被迫關門囉。明白嗎?

 

From #長頸鹿醫生

error: