急症室奇趣鹿系列 (四) – 陰…….陽……..路..

Home 目“鹿”急症室奇趣鹿系列 (四) – 陰…….陽……..路..
06-04-2018 急症室奇趣鹿系列 (四) – 陰…….陽……..路..

急症室奇趣鹿系列 (四) – 陰…….陽……..路..

Comments off

旁述 : Lauren 姐 ….. 或者叫佢..羅..蘭……得勒

 

(旁) : 急症室每日依然有趣 , 再奇既事都繼續每日發生, 百看不厭 ……….百看不厭………不厭…..

 

鏡頭一轉已經喺 R房 (急救室)

 

長頸鹿醫生同一眾同事正在為一位送到來已奄奄一息的老人家急救中

 

“救咗幾耐?”

 

” 大約半個鐘呀醫生,仲繼唔繼續? ”

 

” 屋企人到未? ”

 

” 老人院 case , 未聯絡到呀, 無咁快黎 lu”

 

長頸鹿醫生望住個 mon , 打完腎上腺素 , 就好間唔中有一兩吓電流

 

活動, 轉個頭又無晒.人又一直都唔醒, 又無心跳脈搏 ….. 加上長期病患, “牌面” 好差…

 

醫生要決定急救一個人救幾耐, 幾時停, 好多因素影響..

 

無話要救幾耐唔得先可以停, 亦都無話啱與錯.

 

有d case, 好似呢次咁,一黎到醫生心裏預計其實好大機會都救唔番, 再繼續救, 又插喉又按到肋骨都斷埋, ,其實亦都會加重病人痛苦。

 

視乎情況, 有時知道d屋企人趕緊黎, 我自己有時就盡量救到屋企人到, 起碼等佢地心裏好過d. 長頸鹿醫生始終都覺得若果屋企人黎到, 見到d 醫護人員停晒手, 拋低一句 “死咗啦” , 同見到醫護人員救緊佢不過沒進展, 等屋企叫做有 d d 咁多時間預備親人會離去, 係有d 分別既。 亦都減少咗唔少磨擦誤會..

 

“咁算啦 , 停啦 , certify 時間 (xx:xx)點。”

 

由於出面太多人太忙, 一叫停手, 全部同事一窩蜂出番晒 R房做其他野, 剩番我同一個姑娘喺度 …….. 當然仲有 lauren 姐喺一角旁觀呢一切既發生.

 

姑娘仔細心咁幫病人執番好 , 拔出喉管 …

 

個 cardiac mon (心臟監察器) 繼續 Beep 一兩吓 。

 

正常的, 每次姑娘仔一郁到 喉管, 或者 high到 d 被呀之類, 一造成少少既震動, 敏感既 cardiac mon 就會顯示到有電流活動, 見怪不怪了.

 

” 不過出面忙到九彩, 放住喺R房先啦, 順便等埋屋企人黎比佢地見吓先至落樓下”

 

“好丫醫生 , 可能伯伯都想見埋先, 就咁啦”

 

lauren 姐繼續企喺角落頭唔出聲..

 

好勒, 出番去繼續做野啦,

 

大約… 我諗幾分鐘之後, 唔係好耐

 

” B , B , B , …….” 好細聲 , 好 regular 的

 

咁急症室就梗係有 cardiac mon 既聲o架啦 , 仲有好多其他聲o忝 ……

 

長頸鹿醫生又睇多個症先番埋個 nurse station 到…

 

長頸鹿醫生以前做既醫院, 係有一個細細地既CCTV 影住 R房既, 個電視仔就放喺nurse station 前面 ( 我估每個

 

急症室都有, 用黎監察住入面救人既進展之類)

 

長頸鹿醫生啱啱坐底 ..

 

“嘩 , 我 ( ) ….. ”

 

忽然間頭先既姑娘仔大叫一聲, 跟著雞咁腳離開咗nurse station.

 

我都打個突,呢位同事平時雖然未至於極溫文爾雅, 不過都斯斯文文 陰聲細氣搞搞笑 , 你想像吓有朝一日見到呀Winnie the pooh 用個好天真無邪既可愛樣 對住個鏡頭 “嘩 , 我 ( ) 丫” …就知有幾震撼。

 

我坐底既位置啱啱對正個CCTV

 

Lauren 姐 : ” 你望吓嗰度……..望吓啦…….望吓….”

 

怪怪地咁既 ……

 

(我地個CCTV 好舊, 好多秒先refresh 個畫面一次的)

 

“嘩 , 我…….”

 

小弟都唔講粗口的, 不過呢一刻除咗呢樣, 我都諗唔到有咩可以表達到。

 

我見到個畫面幾秒refresh 咗之後, 隻手掌個位置唔同咗。

 

“郁郁郁郁郁㗎 撞鬼!”

 

跟住到我衝番入R房 , 就見到呀pooh ,呀唔係, 呀姑娘仔已經急救番, 搓緊

 

“個mon 有野睇, 有QRS 㗎”

 

我: “我梗知有野睇啦 , 我隔住個CCTV 都睇到野tim”

error: