【激死長頸鹿醫生系列之 (一) 之 咁都得】

Home 目“鹿”【激死長頸鹿醫生系列之 (一) 之 咁都得】
29-10-2017【激死長頸鹿醫生系列之 (一) 之 咁都得】

【激死長頸鹿醫生系列之 (一) 之 咁都得】

Comments off

#Gag王長頸鹿爆笑醫生實錄 #唔睇唔知身體好 #每周不定期一篇呀 #留意星期六日呀 #歡迎Share

 

病人同醫生既互信好緊要,睇咗咁多年症,呢個都算其中一個經典,真人真事, 太細既細節唔記得,但係重點記憶猶新。

中年男仕, 黎睇久咳不癒,睇咗好多醫生都唔好。咁問病歷啦,做身體檢查啦,無咩太大alarming 既野。

 

咁正常做法丫, 久咳不癒, 擔心背後有原因, 中年以上特別考慮腫瘤類問題,照張X 光丫

 

片回來…

 

肺部有很多大面積唔正常陰影, 第一鑑別診斷 (即最大可能的診斷) 係肺膜既癌症, 其他鑑別診斷也有可能, 例如免疫系統病, 或是肺積塵, 不過通常呢類長期肺病病人都會一早知道的, 病歷一般都會提到, 同埋睇咗咁多醫生, 點會唔知

先苦惱咗一陣點同病人講突然間照到有d咁大件事既野。跟住叫佢入黎同佢講……

 

講完, 病人極度冷靜喎,亦無乜出聲喎。

 

跟著再問佢 : 而家都清楚情況呀可? 唔駛過份擔心住, 不過黎緊有好多檢查要做確定係咩問題

 

“唔駛呀, 知道㗎, 放心”

長頸鹿 : 吓?

仲要叫醫生放心?

跟住佢先講 : 睇吓大家既意見係咪都係咁丫嘛。你都有問做野會唔會有關丫

 

我以前做既工廠,吸好多d唔知咩塵,職業病黎既。我上次入咗公立醫院成個月啦,最初又係咁,唔知咩事,個醫生仔睇到張片好緊張,又驗呢樣又嗰樣,又搵埋肺專科醫生成班人黎,做氣管鏡又掃描。跟著睇到最尾,有個顧問醫生黎一睇,佢叻呀,問我做咩工作,我咪先講佢聽lor。我就係諗住唔開估住,睇吓佢地有無人識問。顧問醫生係唔同d,哈哈!!

病人有些沾沾自喜的說:

 

“即係你一早知道但係專登唔講?”

“係呀, 你地都無問”

“……..”

 

眼都反埋

error: