【激死長頸鹿醫生系列之(二)之分流百態】

Home 目“鹿”【激死長頸鹿醫生系列之(二)之分流百態】
11-11-2017 【激死長頸鹿醫生系列之(二)之分流百態】

【激死長頸鹿醫生系列之(二)之分流百態】

Comments off

上次研究過睇症,尤其係急症既問題。病歷上既資料好緊要,病人與醫生的亙信亦好緊要。

 

例子有好多,又同大家分享吓知多d。

 

打風落大雨既下午,急症室如常服務,如常地多人……我地睇病人之前,通常都會先睇分流既資料,起碼有個概念大約會面對邊類既病,有咩地方要小心……之類,所以分流既資料好緊要。

 

但係亦因此有唔少……我即管稱之為笑料……

 

1.

“陳大文 請到一號房”

分流上寫黎睇「傷風咳」……

 

長頸鹿醫生 : 陳大文先生,今日見有 d 咳同傷風係咪?

 

病人:唔係呀,心口痛呀最主要。

 

長頸鹿醫生 : 吓?心口痛差好遠喎,頭先有無同分流講?

 

病人 : 無呀,又唔係見醫生,我諗住入到黎見到醫生先詳細講丫嘛,咪喺出面求其講d 病徵先囉。

 

長頸鹿醫生 : ……….

 

結論 : 病人在分流之前, 并不需要自行分流多一次…

 

2.

 

分流資料 : 年輕女性,胃口減退,成日喊。

 

成日喊??

 

心想有機會係情緒問題,可能要比較長的診症時間……

 

長頸鹿醫生 : 你好,今日黎係因為……咩原因呢?唔駛緊張既,慢慢講……

 

病人:緊張呀,其實係我屋企個 BB,食得好少呀呢2日,係咁喊….. 唔知咩事呢可?我見佢個樣好辛苦呀,驚佢唔舒服,唔帶佢落黎啦,有無事呀有無事呀佢?

 

“……….” 可能問問dr friend 幫到你

 

結論,再重申,醫生要有準確的診斷,必須要親自看到病人同做檢查。

 

3.

 

分流資料 : 陳大雯 , 有婦科問題 , 有關避孕

 

“陳大雯,1 號房”

 

入黎既, 係一個男仔

 

我望一望張診症咭,再望一望病人,再望一望個名,又再望一望佢,又再望一望個姑娘…… 再加上啱啱行咗好響既雷,我開始有 d 亂。不過我意識應該無人幫到我……

 

( 唔好太過份好喎 ….. )

 

(唔係唔係, 話唔定一講野ivana 咁既聲呢…….you will never know )

 

長頸鹿醫生 : 你好…..今日黎睇…..

 

病人:其實係我有個朋友今晚呢…….

 

隆nnnnnnnnnnn~ 咁啱又行雷

 

長頸鹿醫生 : 明既,好清楚個病歷…….雷電交更既夜晚丫嘛……得唔駛講….不過比唔到藥你

 

一連睇三個, 個結論係 : 我今日不宜返工

 

以上笑話還笑話, 不過都想話到比大家知, 醫生睇症唔係一樣草率既事 , 理想既做法係我地係要親身見到病人, 親身做檢查, 資料才準確。

 

我地醫生們都好盡力及樂意解答大家問題分享吓, 不過大家亦都要對自己既健康負責, 有懷疑既一定要親自找醫生幫忙呀~

 

護士 : 下一個呢….

 

長頸鹿醫生 : 下一個比我打尖登記先啦, 我就黎唔得啦大夫 ~…….

error: